ესპანურ პრესაში გუშინ გავრცელებული ინფორმაცია, რომ ლამინ იამალი ვიგოს "სელტასთან" გასამართ მატჩში მონაწილეობას ვერ მიიღებდა, Mundo Deportivo-მ დაადასტურა.

"ბარსელონას" 17 წლის ვარსკვლავი კოჭის არეში ტკივილს კვლავ გრძნობს და გარისკვა არავის უნდა.

ახალი გახლავთ ის, რომ წყაროს თანახმად, იამალის თამაში "ბრესტის" წინააღმდეგაც საეჭვოა.

"ბლაუგრანაში" იმედოვნებენ, რომ ესპანელი გარემარბი "ლას პალმასთან" შესახვედრად მაინც იქნება მზად.

კანარისკუნძულელებს კატალონიელები 30 ნოემბერს, თბილისის დროით 17 საათიდან მიიღებენ. რაც შეეხება იამალს, მიმდინარე სეზონში მისი მონაგარი 6 გოლი და 8 ასისტია.