"სელტასთან" მატჩის წინ გამართულ პრესკონფერეციაზე, "ბარსელონას" მთავარმა მწვრთნელმა, ჰანსი ფლიკმა, სანაკრებო პაუზიდან დაბრუნებული გუნდის გეგმებზე და განწყობაზე ისაუბრა.

"ხვალ კარგ მატჩს ველოდებით, ფეხბურთელები მშვენიერ ფორმაში არიან. სანაკრებო შესვენებიდან გუნდის ძლიერად დაბრუნება ძალიან მნიშვნელოვანია, ახლა სწორედ ეს არის ჩვენი მიზანი."

გერმანელ სპეციალისტს აგრეთვე ჰკითხეს, გეგმავდა თუ არა კლუბში დიდი ხნით, დაახლოებით კიდევ 10 წლით დარჩენას, რაზეც მან განაცხადა: "არამგონია კლუბში ამდენი ხნით გაჩერება შევძლო. მე 4 შვილიშვილი მყავს, რომლებსაც, სანამ 70 წლის გავხდები, დიდი დრო უნდა დავუთმო."

შეგახსენებთ, რომ ლა ლიგის ლიდერი "ბლაუგარანა" 24 ნოემბერს, "სელტას" ეწვევა. მატჩი თბილისის დროით 00:00 საათზე დაიწყება.