16 საათის წინ
რა ელის ტორეს - მნიშვნელოვანი შეხვედრა შედგა
ავტორი
Aa
პაბლო ტორეს მომავალი "ბარსელონაში" განხილვის საგანია, - იუწყება Jijantes.
ამ კვირაში "ბლაუგრანას" სპორტული დირექტორი დეკუ ფეხბურთელის აგენტს შეხვდა. შეხვედრის აუცილებლობა იმ ფაქტმა განაპირობა, რომ 21 წლის ნახევარმცველის სათამაშო დრო მნიშვნელოვნად შემცირდა.
"ბარსაში" ტორეს საქმისადმი დამოკიდებულება ძალიან მოსწონთ. დაფასებას იმსახურებს მის მიერ სავარჯიშო სესიებზე გამოვლენილი უნარ-ჩვევებიც, თუმცა საქმეს ნახევარდაცვის ხაზში არსებული მაღალი კონკურენცია ართულებს.
ჰანსი ფლიკმა არჩევანი ტორეს, დანი ოლმოს, პედრისა და ფერმინ ლოპესს შორის უნდა გააკეთოს. სწორედ ამიტომაა, რომ მიმდინარე სეზონში პაბლოს სულ 205 წუთი აქვს ნათამაშები.
აქედან გამომდინარე, საკმაოდ დიდია შანსი, ესპანელი ფეხბურთელი "ბარსამ" იანვარში გაანათხოვროს.
Facebook კომენტარები
ჩვენ გირჩევთ
