ამა წლის ზაფხულში "ბარსელონამ" ბილბაოს "ატლეტიკიდან" ნიკო უილიამსის შესაძენად ბევრი გააკეთა, თუმცა საწადელს მაინც ვერ მიაღწია. მოსალოდნელია, რომ კატალონიელები ბედს გაისადაც ცდიან.
მიუხედავად ამისა, Catalunya Radio-ს თუ დავუჯერებთ, "ლურჯ-ბროწეულისფერთა" ხელმძღვანელობის ნაწილი 22 წლის ფეხბურთელის შეძენად ეჭვის თვალით უყურებს.
"ბლაუგრანაში" შიშობენ, რომ ნიკომ შეიძლება მათი 17 წლის ვარსკვლავის, ლამინ იამალის განვითარება შეაფერხოს.
წყაროს თანახმად, იამალსა და უილიამსს იმდენად ახლო ურთიერთობა აქვთ, რომ მათმა ერთ გუნდში ყოფნამ "ლა მასიას" აღზრდილ გარემარბს შეიძლება ყურადღებაც გაუფანტოს და მთავარ მიზნებზე კონცენტრაციის ხარისხი შეამცირებინოს.
ცხადია, არსებობს მედლის მეორე მხარეც: ნიკოსა და იამალის პარტნიორობამ ესპანეთის ნაკრებს ევრო 2024 მოაგებინა. თუ მათ ეს ეფექტურობა საკლუბო დონეზეც შეინარჩუნეს, "ბარსას" პოტენციალი შესამჩნევად გაიზრდება
შეგახსენებთ, რომ მიმდინარე სეზონში ჩატარებულ 15 მატჩში უილიამსის მონაგარი 2 გოლი და 2 ასისტია.
