SPORT-ის ინფორმაციით, "ბარსელონა" ამსტერდამის "აიაქსის" 21 წლის მარჯვენა მცველს, დევინ რენშს აკვირდება.

"ლურჯ-ბროწეულისფერთა" მთავარი მწვრთნელი, ჰანსი ფლიკი გაძლიერების ყველაზე დიდ საჭიროებას სწორედ ფლანგის მცველების პოზიციებზე ხედავს, ახალგაზრდა ნიდერლანდელი კი კლუბისთვის საინტერესო კანდიდატად გამოიყურება.

რენში სეზონის ბოლოს თავისუფალი აგენტი ხდება. იგი ცნობილია თავისი სისწრაფით, შეტევითი უნარებითა და მაღალი დონის ტექნიკით. "ბლაუგრანას" სათამაშო ფილოსოფიას დევინის პროფილი იდეალურად ერგება.

ცხადია, "აიაქსთან" კონტრაქტის ამოწურვის თარიღის მოახლოება ნიდერლანდელს "ბარსასთვის" კიდევ უფრო მომხბლავს ხდის.

მიმდინარე სეზონში ჩატარებულ 17 მატჩში რენშმა თავი 1 გოლითა და 1 ასისტით გამოიჩინა.