"ბრესტთან" მოგებული მატჩის შემდეგ "ბარსელონას" მთავარ მწვრთნელს, ჰანსი ფლიკს ჟურნალისტმა საინტერესო შეკითხვა დაუსვა:

"როდესაც დანი ოლმო შეცვალეთ, მას ჩაეხუტეთ და გაუღიმეთ. რა უთხარით ამ მომენტში?"

"გინდათ გაიგოთ რა ვუთხარი დანის? არა, არა, არა... შემდეგ ჯერზე შეგიძლიათ გამომყვეთ და ასე გაიგებთ, თუ რა ვთქვი," - უპასუხა გერმანელმა სპეციალისტმა კორესპონდენტს.

როგორც ჩანს, ჰანსიმ ჟურნალისტისთვის მისი ნათქვამის შინაარსის გამხელა არ ისურვა. არ გამოვრიცხოთ ისიც, რომ ეპიზოდი იმდენად უმნიშვნელო გახლდათ, გუნდის თავკაცს მასზე საერთოდ აღარც ხსომებოდა.

ცნობისთვის, ოლმომ გუშინ თავი გოლით გამოიჩინა. ჩემპიონთა ლიგის მიმდინარე სეზონში ეს მისი პირველი გოლი იყო.