"ბარსელონა" ჟერარ მარტინს კონტრაქტის 3 წლით გახანგრძლივებაზე შეუთანხმდა, - იუწყება SPORT.

22 წლის მარცხენა მცველის ანაზღაურება გაიზრდება. გარდა ამისა, მისი გამოსასყიდი თანხა 100 მილიონი ევროთი განისაზღვრება.

წყაროს თანახმად, ჰანსი ფლიკი ჟერარს ბოლომდე ენდობა. მიუხედავად იმისა, რომ ესპანელს "სელტასთან" ცუდი მატჩი ჰქონდა, "ბრესტის" წინააღმდეგ იგი მაინც სასტარტო შემადგენლობაში დააყენეს, რადგან "ბლაუგრანას" თავკაცს მისი განვითარებისთვის სწორედ ასე მიაჩნია სწორად.

ცნობისთვის, მოქმედი კონტრაქტი ჟერარს 2025 წლის ივლისში ეწურება.

მიმდინარე სეზონში ჩატარებულ 13 მატჩში მარტინის მონაგარი 2 ასისტია.