"ბარსელონას" მიერ ფრენკი დე იონგისთვის გაკეთებულ საკონტრაქტო შეთავაზებას ვადა გაუვიდა, - იუწყება Mundo Deportivo-ს ჟურნალისტი, ფერნანდო პოლო.

ნიდერლანდელ ნახევარმცველს ამ წინადადებაზე არ უპასუხია. წყაროს თანახმად, "ბლაუგრანაში" სიტუაციას გადააფასებენ და ფეხბურთელს განახლებული შეთავაზებით მიმართავენ.

განსხვავებულ ინფორმაციას ავრცელებს SPORT-ი.

ჟურნალისტ ფერან კორეასის თქმით, ხელმძღვანელობა დე იონგის 2025 წლის ზაფხულში გაყიდვის მომხრეა.

ფრენკის "ბარსასთან" მოქმედი ხელშეკრულება 2026 წლის ივლისში ეწურება. ბუნებრივია, არსებობს საშიშროება, რომ იგი გუნდს თავისუფალი აგენტის სტატუსით დატოვებს.

მიმდინარე სეზონში ჩატარებულ 9 მატჩში 27 წლის მოთამაშეს თავი საგოლე მოქმედებით არ გამოუჩენია.