"ბარსელონამ" ლა ლიგაში ზედიზედ მესამედ დაკარგა ქულები. კატალონიელებმა გუშინ "ლას პალმასთან" წააგეს, ანგარიშით 1:2. ერთადერთი გოლი "ბლაუგრანადან" რაფინიამ შეაგდო.

მიუხედავად იმისა, რომ "ლურჯ-ბროწეულისფრებს" თამაში ჰქონდათ გადასარჩენი, ჰანსი ფლიკმა გუნდის 26 წლის ვარსკვლავი, დანი ოლმო სათადარიგოთა სკამზე დატოვა.

Diario AS-ის ჟურნალისტის, ხავი მიგელის ინფორმაციით, ოლმოს საზარდულის არეში მზარდი დისკომფორტი აქვს. "ბარსას" ინტენსიური კალენდრიდან გამომდინარე, ჰანსი ფლიკმა არჩია, რომ ესპანელს გუშინ დაესვენა.

წყაროს თანახმად, დანი "მალიორკასთან" ზეგ გასამართი მატჩისთვის მზად იქნება.

ოლმო და ლამინ იამალი სასტარტო შემადგენლობიდან დაიწყებენ თამაშს.

აქვე შეგახსენებთ, რომ მიმდინარე სეზონში ჩატარებულ 10 მატჩში "ბარსას" ახალწვეულს 6 გოლი აქვს გატანილი.