დონიელ მალენს "ბარსელონაში" ან "არსენალში" უნდა თამაში, - იუწყება Sky Germany-ის ჟურნალისტი, ფლორიან პლეტენბერგი.

ნიდერლანდელმა თავდამსხმელმა დორტმუნდის "ბორუსია" შეიძლება იანვრის სატრანსფერო ფანჯარაზევე დატოვოს, თუ "შავ-ყვითლებს" ფორვარდის მსურველი 25-30 მილიონ ევროს შესთავაზებს.

გასულ ზაფხულს მალენით "ევერტონი", "ნოტინგემ ფორესტი", "ბრენტფორდი" და "კრისტალ პალასი" ინტერესდებოდნენ, თუმცა 25 წლის შემტევს უფრო დიდი ამბიციები აქვს. მას ევროპულ გრანდში სურს გადაბარგება

მალენს "ბორუსიასთან" კონტრაქტი 2026 წლის ივლისში ეწურება, ამიტომ კლუბი მის გაყიდვაზე თანახმაა. მიღებულ თანხას გერმანელები პრობლემური პოზიციების გასაძლიერებლად გამოიყენებენ.

მიმდინარე სეზონში ჩატარებულ 17 მატჩში ნიდერლანდელის მონაგარი 4 გოლი და 1 საგოლე გადაცემაა.