"ბარსელონა" ხვალ ლა ლიგის მე-17 ტურის მატჩს ჩაატარებს, სადაც სევილიის "ბეტისს" ესტუმრება.

მატჩისწინა პრესკონფერენციაზე "ლურჯ-ბროწეულისფერთა" მთავარმა მწვრთნელმა, ჰანსი ფლიკმა ბევრ თემაზე ისაუბრა. ერთ-ერთი შეკითხვა გუნდის ბრაზილიელ ვარსკვლავს, რაფინიას შეეხებოდა.

"ჩვენ ეჭვი არ გვეპარება, რომ რაფინია ყველა მატჩში გვჭირდება.

იმდენად, რამდენადაც იგი ხელმისაწვდომი იქნება, რაფა ითამაშებს. თუ ეს 90 წუთს გასტანს, გასტანს, თუ ნაკლები დროის გატარება მოუწევს მოედანზე, ამასაც ვნახავთ.

ის ჩვენთვის საკვანძო მნიშვნელობისაა," - თქვა ფლიკმა.

შეგახსენებთ, რომ მიმდინარე სეზონში რაფინიას მონაგარი 16 გოლი და 10 საგოლე გადაცემაა.

რაც შეეხება ანდალუსიურ-კატალონიურ ჯახს, იგი თბილისის დროით 19:15 საათზე დაიწყება.