2025 წლის ზაფხულში ოსკარ მინგესამ ვიგოს "სელტა" შეიძლება დატოვოს, ამით კი "ბარსელონაც" იხეირებს.

საქმე იმაში მდგომარეობს, რომ ესპანელ მცველზე სატრანსფერო უფლებების ნახევარი კვლავ "ბლაუგრანას" საკუთრებაშია. მაშასადამე, იმ თანხის ნახევარი, რასაც "ბალაიდოსის" ბინადრები ოსკარში მიიღებენ, კატალონიელებს ერგებათ.

25 წლის ფეხბურთელის გამოსასყიდი თანხა 20 მილიონი ევროა. Relevo-ს თუ დავუჯერებთ, მის გადახდას გერმანული "ლაიფციგი" აპირებს.

ეს იმას ნიშნავს, რომ თუ მინგესა "წითელ ხარებს" შეუერთდება, "ბარსელონას" მონაგარი 10 მილიონი ევრო იქნება.

მიმდინარე სეზონში ჩატარებულ 14 მატჩში ოსკარმა 2 გოლი და 5 ასისტი მიითვალა.