ნიკო უილიამსს "ბარსელონაში" გადასვლა ახლა იმაზე მეტად უნდა, ვიდრე ზაფხულში უნდოდა, - იუწყება Diario SPORT-ის ჟურნალისტი, ტონი ხუანმარტი.

23 წლის გარემარბი ბილბაოს "ატლეტიკში" ბედნიერია, თუმცა კარიერაში ახალი ნაბიჯის გადადგმისთვისაც მზადაა.

წყაროს თანახმად, "ბარსას" ფეხბურთელებთან ნიკოს მჭიდრო კონტაქტი აქვს.

მიუხედავად ამისა, ახლა თავად "ლურჯ-ბროწეულისფერნი" ეჭვობენ უილიამსის ტრანსფერთან დაკავშირებით. ამის პირველი მიზეზი დანი ოლმოა, მეორე კი - რაფინიას საოცარ ფორმაში შესვლა.

არადა, გასულ ზაფხულს ნიკო "ბარსას" პრიორიტეტულ სატრანსფერო სამიზნედ განიხილებოდა, თუმცა ფინანსური ფეარ პლეის პრობლემებმა და თავად მოთამაშის ჭოჭმანობამ იგი "სან მამესზე" დატოვა.

მიმდინარე სეზონში ჩატარებულ 20 მატჩში ესპანელმა 2 გოლი და 6 ასისტი ჩაიწერა აქტივში.