Mundo Deportivo-ს ინფორმაციით, შესაძოა იანვარში დანი ოლმო თავისუფალი აგენტი გახდეს, თუ "ბარსელონა" მას ოფიციალურად და საბოლოოდ ვერ დაარეგისტრირებს.

"ბლაუგრანას" ესპანელი ფეხბურთელი ამ მომენტისთვის 2024 წლის დეკემბრის ბოლომდე ყავს გაფორმებული. რთული ფინანსური მდგომარეობის ფონზე კი, მიმდინარე სეზონის ბოლომდე მისი შენარჩუნება კლუბისთვის ერთ-ერთი მთავარი გამოწვევა იქნება.

ოლმოს კონტრაქტში არსებული ერთ-ერთი პუნქტი მას უფლებას აძლევს დატოვოს გუნდი, თუ მისი რეგისტრაცია იანვრის სატრანსფერო ფანჯრის დასრულებამდე ვერ მოხერხდება.

აქვე გეტყვით, რომ როდესაც ესპანელი "ბარსას" შეუერთდა, მან გაითვალისწინა არსებული ფინანსური პრობლემები და კლუბში 2030 წლის ნაცვლად, მხოლოდ ერთი სეზონით რეგისტრაციაზე თანხმობა განაცხადა.