გუშინ, ჩემპიონთა ლიგაზე, სტუმრად "დორტმუნდის" წინააღმდეგ 3-2 გამარჯვების შემდეგ, მარკ კასადომ ფანსი ფლიკზე ისაუბრა და გერმანელ მწვრთნელს შანსის მიცემისთის მადლობა გადაუხადა.
"ყველაფერი ფლიკის დამსახურებაა. არ არის ადვილი ჩემპიონთა ლიგაზე, ისეთი მოთამაშის პირველი გუნდის შემადგენლობაში დაყენება, რომელიც გასულ სეზონში მე-3 დივიზიონში თამაშობდა. ყოველთვის მისი მადლიერი ვიქნები." განაცხადა 21 წლის საყრდენმა ნახევარმცველმა.
ცნობისთვის, კასადო გასულ სეზონამდე ესპანეთს მესამე დივიზიონში, "ბარსელონა" B-ში თამაშობდა, სანამ ზაფხულში "ბლაუგრანას" ახალი თავკაცი მას პირველ გუნდში გადაიყვანდა.
ფლიკმა ამ მოკლე პერიოდში ფეხბურთელის განვითარებაში უდიდესი როლი ითამაშა და მიაღწია იმდენს, რომ კასადო მისი შემადგენლობის ერთ-ერთი მნიშვნელოვანი წევრი გახდა, რის შემდეგაც, ის ესპანეთის ეროვნულ ნაკრებშიც კი გამოიძახეს.
