ჰანსი ფლიკი გაოგნებული დარჩა, როდესაც გაიგო, რომ ლა ლიგაში 2-მატჩიანი დისკვალიფიკაციით დასაჯეს, - იუწყება SPORT-ის ჟურნალისტი, ივან სან ანტონიო.

გერმანელ სპეციალისტს თავის სამწვრთნელო კარიერაში მსგავსი რამ არასდროს დამართნია.

მართალია, "ბარსელონას" მთავარი მწვრთნელი მიღებულ გადაწყვეტილებას უსამართლოდ მიიჩნევს, თუმცა იგი ვერდიქტს მაინც დაემორჩილება. გარდა ამისა, ფლიკმა "ბლაუგრანას" უფროსობას გადაწყვეტილების გასაჩივრების გამო მადლობაც გადაუხადა.

შეგახსენებთ, რომ ჰანსი "ბეტისთან" ფრედ დასრულებულ მატჩში (2:2), მთავარი მსაჯის მიერ "ლურჯ-ბროწეულისფერთა" კარში პენალტის დანიშვნის გაპროტესტების გამო გააძევეს მოედნიდან.

ფლიკი "ბარსას" "ლეგანესისა" და "ატლეტიკოს" წინააღმდეგ დააკლდება.