"ბარსელონამ" ინიგო მარტინესთან სიტყვიერ შეთანხმებას მიაღწია, - იტყობინება ჟერარ რომერო.

ბასკი მცველი "ბლაუგრანას" ზაფხულში თავისუფალი აგენტის სტატუსით შეუერთდება, თუმცა საამისოდ კლუბმა ჯერ გარკვეული ნაბიჯები უნდა გადადგას.

წყაროს თანახმად, "ლურჯ-ბროწეულისფერნი" დარწმუნებულნი უნდა იყვნენ, რომ ბილბაოს "ატლეტიკის" უკანახაზელის კონტრაქტის დარეგისტრირებას შეძლებენ. მაშასადამე, ინიგოს მოთმინების გამოჩენა მოუწევს.

31 წლის ფეხბურთელს შეთავაზება აქვს მადრიდის "ატლეტიკოსგანაც".

გუშინ გავრცელდა ინფორმაცია, რომ მარტინესის მეუღლე უკვე ეძებს სახლს ბარსელონაში.

მიმდინარე სეზონში ინიგომ "ატლეტიკის" მაისურით 14 მატჩი ითამაშა. ბასკებს იგი 1 გოლით დაეხმარა.