"ბარსელონას" ბრაზილიელი ვარსკვლავით, რაფინიათი ინგლისის პრემიერ ლიგის 3 გრანდია დაინტერესებული, - იუწყება TNT Brasil.

წყაროს თანახმად, 28 წლის შემტევის მდგომარეობის შესახებ ინფორმაცია მერსესაიდულმა "ლივერპულმა" და ლონდონის "არსენალმა" გამოითხოვეს. იგივე გააკეთა "მანჩესტერ სიტიმაც".

მიუხედავად ამისა, დღევანდელი მოცემულობით, შანსი, რომ რაფინიამ "ბლაუგრანა" მომდევნო ზაფხულს დატოვოს, ძალიან მცირეა.

ცნობისთვის, "არსენალი" რაფინიათი ჯერ კიდევ მაშინ ინტერესდებოდა, როცა იგი "ლიდს იუნაიტედის" ღირსებას იცავდა.

"ლურჯ-ბროწეულისფერთა" 11 ნომერს კარიერაში საუკეთესო სეზონი აქვს. 24 მატჩში მისი მონაგარი 17 გოლი და 10 საგოლე გადაცემაა.