Mundo Deportivo-ს ჟურნალისტმა როხერ ტორელომ ლიონელ მესის შესაძლო დაბრუნების შესახებ ახალი ინფორმაცია გაავრცელა.

ესპანელმა ჟურნალისტმა უკვე იცის, რომელ პოზიციაზე ითამაშებს "ლა პულგა" კვლავ კატალონიური გრანდის მაისურის მორგების შემთხვევაში.

"ჩავის მოქმედ სისტემაში მესი მეოთხე ნახევარმცველის როლში იმოქმედებს. ისე, როგორც ამას ახლა გავი აკეთებს. 

მესის ოდნავ მარცხნივ მოუწევს თამაში, მთელ ფლანგს კი ბალდეს დაუტოვებს.

მიუხედავად ამისა, რა თქმა უნდა, მასაც მოუწევს სირბილი და მეტოქის შევიწროება, რათა გუნდში ბალანსი შენარჩუნებული იყოს," - წერს ტორელო.

შეგახსენებთ, რომ ოქროს ბურთის შვიდგზის მფლობელის სეზონის ბოლოს თავისუფალი აგენტი ხდება.

მიმდინარე სეზონში ლეოს მონაგარი 18 გოლი და 17 საგოლე გადაცემაა.