ფრენკი დე იონგი უკმაყოფილო დარჩა ჰანსი ფლიკის გადაწყვეტილებით, რომ "ლეგანესთან" მატჩში იგი სათადარიგოთა სკამზე დარჩა, - ირწმუნება Diario AS.

როგორც მოგეხსენებათ, "ბლაუგრანა" იმ შეხვედრას პირველივე წუთებიდანვე აგებდა. ფლიკმა დე იონგს მალევე უთხრა, რომ გახურება დაეწყო, თუმცა მოედანზე მაინც არ შეიყვანა, თამაშში კი ფერმინ ლოპესი, ფერან ტორესი, პაბლო გავი, პაუ ვიქტორი და პაუ კუბარსი ჩართო.

სწორედ ამან გააბრაზა 27 წლის ნახევარმცველი გუნდის მთავარ მწვრთნელზე.

ნელ-ნელა ყველაფერი იმისკენ მიუთითებს, რომ დე იონგი გერმანელი სპეციალისტის ნდობას კარგავს, რაც მის მომავალს დიდი კითხვის ნიშნის ქვეშ აყენებს.

აქვე გეტყვით, რომ მიმდინარე სეზონში ჩატარებულ 13 მატჩში ფრენკიმ თავი 1 გოლითა და 1 საგოლე გადაცემით გამოიჩინა.