"ბარსელონას" მარცხენა მცველის დამატება აქვს განზრახული, - ირწმუნება SPORT.

კატალონიური გრანდის პრიორიტეტული სამიზნე მიუნხენის "ბაიერნის" კანადელი ფლანგელი, ალფონსო დევისი გახლდათ, თუმცა "ბარსაში" ფიქრობენ, რომ 23 წლის ფეხბურთელის გაფორმების შანსი მიზერულია.

აქედან გამომდინარე, "ბლაუგრანა" სხვა ვარიანტების განხილვაზე გადავიდა. ესპანური გამოცემა 3 კანდიდატს ასახელებს:

ტაირიკ მიჩელი (კრისტალ პალასი)

ალვარო კარერასი (ბენფიკა)

უგო ბუენო (ფეინოორდი)

"ლურჯ-ბროწეულისფერთათვის" ყველაზე რეალური ვარიანტი მიჩელია, რადგან მას "არწივებთან" კონტრაქტი ზაფხულში ეწურება და თავისუფალი აგენტების ბაზარზე გადის.

25 წლის ფეხბურთელმა მიმდინარე სეზონში 24 მატჩში მიიღო მონაწილეობა. მის ანგარიშზე 4 ასისტია.