"ბარსელონამ" რონალდ არაუხოსა და ფრენკი დე იონგს ულტიმატუმი წაუყენა, - იუწყება Diario AS.

წყაროს თანახმად, კატალონიური გრანდი "ბლაუგრანას" ვარსკვლავებს სთხოვს, რომ კონტრაქტის გახანგრძლივებაზე დაეთანხმონ. წინააღმდეგ შემთხვევაში, კლუბი ურუგვაელს და ნიდერლანდელს ტრანსფერზე დააყენებს.

როგორც ჩანს, "ლურჯ-ბროწეულისფრებმა" მოთამაშეებს მკაფიოდ მიანიშნეს, რომ მათ დაუსრულებლად არ დაელოდებიან.

არაუხოს პოზიციებს ასუსტებს გუნდში ჯონათან ტას თითქმის გადაწყვეტილი ტრანსფერიც. 24 წლის უკანახაზელის გაუთავებელი ტრავმიანობა და სხვა გუნდებისგან მომდინარე ინტერესი "ბარსას" ასევე აფიქრებინებს არაუხოს გაყიდვაზე.

რაც შეეხება დე იონგს, მიმდინარე სეზონში იგი სათადარიგო ფეხბურთელად იქცა, უკანასკნელ ორ შეხვედრაში კი მონაწილეობა საერთოდ არ მიუღია.