"ბარსელონა" ფრენკი დე იონგს ახალი კონტრაქტითაც იმ ხელფასს სთავაზობს, რომელსაც იგი ამჟამად იღებს, - იუწყება Marca-ს ჟურნალისტი, ლუის ფელიპე როხო.

წყაროს თანახმად, "ბლაუგრანას" 27 წლის ნიდერლანდელისთვის ანაზღაურების გაზრდაში რთული ეკონომიკური სიტუაცია უშლის ხელს.

ფრენკი კონტრაქტის გახანგრძლივებაზე ისევ არ თანხმდება. კლუბში უკვე ფიქრობენ, რომ ფეხბურთელს მოქმედი ხელშეკრულების ამოწურვა და "კამპ ნოუდან" 2026 წლის ზაფხულში, თავისუფალი აგენტის სტატუსით წასვლა აქვს განზრახული.

შეგახსენებთ, რომ დე იონგი "ბარსას" მეორე ყველაზე მაღალანაზღაურებადი ფეხბურთელია. წელიწადში იგი 9 მილიონ ევროს იღებს, ბონუსის ღირებულება კი 3 მილიონი ევროა.

მიმდინარე სეზონში ნიდერლანდელმა თავი 1 გოლითა და 1 ასისტით გამოიჩინა.