მიმდინარე სეზონში ნათამაშები 541 წუთით, ერიკ გარსია "ბარსელონას" ერთ-ერთი ყველაზე იშვიათად გამოყენებული ფეხბურთელია. აქედან გამომდინარე, არაა გასაკვირი, რომ ესპანურ პრესაში მის მიერ გუნდის გამოცვლაზე საუბრობენ.

22 წლის ფეხბურთელს ისეთ კლუბში უნდა გადაბარგება, სადაც რეგულარულ სათამაშო პრაქტიკას მიიღებს.

Relevo-ს ინფორმაციით, გარსიას კატალონიური "ჟირონა" უმიზნებს.

ერიკი "ჟირონაში" გასულ სეზონში იყო განათხოვრებული და იქ ძალიან კარგი შთაბეჭდილებაც დატოვა. "ჟირონას" მთავარი მწვრთნელი მიჩელი გარსიას დიდი თაყვანისმცემელია.

საგულისხმოა ისიც, რომ "ბლაუგრანას" ერიკის კიდევ ერთხელ განათხოვრება არ სურს. ესპანელ მცველს კლუბი 20 მილიონ ევროდ აფასებს.