"ბარსელონა" "ლილის" თავდამსხმელის, ჯონათან დავიდისთვის არ იბრძოლებს, - ირწმუნება Mundo Deportivo.

მიუხედავად კანადელი ფორვარდის კარგ ფორმაში ყოფნისა, "ბლაუგრანაში" ფიქრობენ, რომ იგი გუნდის ამჟამინდელ საჭიროებებს არ შეესაბამება. 

ჯონათანს "მასტიფებთან" კონტრაქტი 2025 წლის ზაფხულში ეწურება. ცხადია, თავისუფალ აგენტად 24 წლის შემტევის დამატება აზრსმოკლებული სვლა ნამდვილად არ იქნებოდა, მაგრამ კატალონიელთა სკაუტებმა მიიჩნიეს, რომ "ლილის" ლიდერისა და "ბარსას" სათამაშო სტილი ერთმანეთს არ ერგება.

დიდი ალბათობით, დავიდი ინგლისის პრემიერ ლიგაში გააგრძელებს კარიერას.

აქვე გეტყვით, რომ მიმდინარე სეზონში ჩატარებულ 26 მატჩში კანადელმა 17 გოლი და 5 ასისტი მიითვალა.