პედრი გონსალესის გარემოცვა "ბარსელონაზე" გაბრაზებულია, - იუწყება Cat.Radio.

20 წლის ვარსკვლავთან დაახლოებული პირები ფიქრობენ, რომ კლუბმა ფეხბურთელს ვარჯიში ნაადრევად განაახლებინა. 

"ბლაუგრანაში" უნდოდათ, პედრის ლა ლიგის ეგიდით გასამართ "ელ კლასიკოში" ეთამაშა; მათმა სიჩქარემ კი შედეგად ის გამოიღო, რომ ესპანელი ნახევარმცველი კოპა დელ რეის ნახევარფინალის საპასუხო შეხვედრასაც გამოტოვებს.

წყაროს თანახმად, "ბარსაში" გონსალესს უკვე ისე უყურებენ, როგორც ტრავმებისადმი მიდრეკილ ფეხბურთელს.

სწორედ ამიტომაა, რომ კლუბი კიდევ ერთი ნახევარმცველის ყიდვას აპირებს.

ცნობისთვის, პედრი ბოლოს მოედანზე 16 თებერვალს გავიდა. მიმდინარე სეზონში ჩატარებულ 30 მატჩში მან 7 გოლით გამოიჩინა თავი.