გავლენიანი ესპანური გამოცემა "Mundo Deportivo" კატალონიის "ბარსელონას" ახალი სატრანსფერო გეგმის შესახებ წერს.

წყაროს ცნობით, "მანჩესტერ იუნაიტედის" მფლობელობაშ მყოფმა მარკუს რაშფორდმა "ბლაუგრანას" თავი უკვე რამდენჯერმე შესთავაზა.

როგორც გამოცემა წერს, ფეხბურთელთან ახლოს მყოფი ხალხი ამბობს, რომ კლუბმა ინგლისელ შემტევთან მოლაპარაკებები დაიწყო.

შეგახსენებთ, რომ რაშფორდი ამჯერად იჯარის წესით "ასტონ ვილაში" იმყოფება, სადაც მუდმივ სათამაშო პრაქტიკას იღებს, თუმცა ამჯერად ის ტრავმირებულია.

ცნობისთვის, მარკუსს მიმდინარე სეზონში ჩატარებულ 25 მატჩში 6 გოლი და 4 საგოლე პასი აქვს. მისი სატრანსფერო ფასი კი 50 მილიონი ევროა.