"ბარსელონას" ნიდერლანდელი ლეგენდა პატრიკ კლუივერტი კლუბს სათადარიგო თავდამსხმელის დამატებას ურჩევს.
"შავმა პანტერამ" კატალონიურ გრანდთან რეკომენდაცია ორ ფორვარდს გაუწია.
"ფინანსური ფეარ-პლეი უნდა გაითვალისწინო, მაგრამ ვინ მყავს სასურველ სიაში შეყვანილი? ეს აუცილებლად თავდამსხმელი უნდა იყოს, რადგან ლევანდოვსკის შემცვლელი სჭირდება.
გონსალუ რამუში ძალიან მომწონს. მას პორტუგალიის ნაკრებში და "ბენფიკაში" ძალიან კარგი მატჩები აქვს ჩატარებული. ვფიქრობ, "ბარსაში" საინტერესო იქნებოდა ფირმინოს ხილვაც.
"ბარსელონას" გაძლიერებას ახლა ცხრიანი ესაჭიროება. ყველაფერი დანარჩენი თუ შენარჩუნდება, არაფერი დაშავდება," - განაცხადა კლუივერტმა.
შეგახსენებთ, რომ ფირმინო ზაფხულში თავისუფალი აგენტი ხდება. რაც შეეხება რამუშს, "ბენფიკასთან" კონტრაქტი მას 2026 წლამდე აკავშირებს, ამიტომ "არწივები" გონსალოს სანაცვლოდ ასტრონომიულ თანხას მოითხოვენ.
