"ბარსელონა" სტამბოლის "ფენერბაჰჩეს" ნახევარმცველით, არდა გიულერით ინტერესდება, - იუწყება Mundo Deportivo.

18 წლის ფეხბურთელის განვითარებას ასევე აკვირდებიან "სევილია", მადრიდის "ატლეტიკო", ლონდონის "არსენალი" და სხვა ევროპული კლუბები.

წყაროს თანახმად, იმ შემთხვევაში, თუ არდა ამ სეზონში 1500 წუთს ვერ ითამაშებს, ზაფხულში მისი გამოსასყიდი თანხა 5 მილიონი ევრო გახდება.

მიმდინარე სეზონში გიულერმა 21 მატჩში მიიღო მონაწილეობა, გაიტანა 3 გოლი და გააკეთა 2 საგოლე გადაცემა.