როგორც მოგეხსენებათ, უეფამ გუშინ დაადასტურა, რომ ნეგრეირას საქმის გამოძიებას იწყებს.

რა გასაკვირია, "ბარსელონაში" ამ ცნობას დიდი სიხარულით არ შეხვედრიან.

Cadena Cope-ს ინფორმაციით, "ბლაუგრანაში" შიშობენ, რომ უეფა კლუბს ჩემპიონთა ლიგიდან 1 წლით მოკვეთავს. SPORT-ის თქმით, ეს შეიძლება იმ შემთხვევაშიც კი მოხდეს თუ ესპანეთის პროკურატურა კლუბს ყველა ბრალდებას მოუხსნის.

ამავდროულად, "ლურჯ-ბროწეულისფერთ" საშინაო ასპარეზზე ღელვის საფუძველი არ აქვთ, რადგან ისინი დარწმუნებულნი არიან, რომ არალეგალური არაფერი გაუკეთებიათ.

ბოლო ცნობებიდან გავიგეთ, რომ ესპანეთის პროკურატურამ "ბარსელონას" საწინააღმდეგო ერთ სამხილსაც კი ვერ მიაკვლია. თუ უეფა კატალონიურ გრანდს დასჯის, ეს აუცილებლად ევროპის სუპერლიგასთან დაკავშირებული შურისძიება იქნება.