"ბარსელონამ" დღეს ოფიციალურად დაადასტურა, რომ ფრენკი დე იონგი ტრავმირებულია.

Diario AS-ის ჟურნალისტ ხავი მიგელის ინფორმაციით, ნიდერლანდელი ნახევარმცველი 15 დღის განმავლობაში იუქმებს. მაშასადამე, მისი "ელ კლასიკოში" მონაწილეობა საეჭვოა.

თავად დე იონგს სჯერა, რომ "რეალთან" მატჩისთვის გამოჯანმრთელებას მოასწრებს.

ფრენკის მზადყოფნა განსაკუთრებით მნიშვნელოვანი იქნება იმ დანაკლისის ფონზე, რომლითაც კატალონიური გრანდი კოპა დელ რეის ნახევარფინალური ეტაპის საპასუხო შეხვედრას ხვდება. ბუნებრივია, ვგულისხმობთ პედრის, უსმან დემბელესა და ანდრეას კრისტენსენის არყოფნას.

შეგახსენებთ, რომ "რეალს" "ბლაუგრანა" 5 აპრილს უმასპინძლებს. პირველი მატჩი ჩავის გუნდმა ანგარიშით 1:0 მოიგო.