„ატლეტიკ ბილბაოს“ პრეზიდენტი ამჟამად მადრიდში იმყოფება და გეგმავს ოფიციალურად მიმართოს ლა ლიგას და ესპანეთის ფეხბურთის ფედერაციას (RFEF), რათა მონიტორინგი დაწესდეს „ბარსელონას“ ზაფხულის ტრანსფერებზე.

ბასკური კლუბი მოითხოვს ნიკო უილიამსის შესაძლო ტრანსფერის დაბლოკვას, რადგან მათი აზრით, კატალონიური გრანდი 1:1 ფინანსურ წესს არ ასრულებს.

ბილბაო მზადაა ბოლომდე იბრძოლოს ნიკოს შესანარჩუნებლად და აცხადებს, რომ არ დაანებებს, ბარსელონამ დაარღვიოს რეგულაციები. კლუბი ყველა სამართლებრივ საშუალებას გამოიყენებს, რათა ხელი შეუშალოს გარიგებას, რომელიც ბარსელონას ფინანსური შეზღუდვების ფონზე საეჭვოდ ეჩვენებათ.