გერმანელმა ლეგენდამ ტონი კროოსმა მედიასთან ლამინე იამალზე ისაუბრა:

"17 წლის ასაკში "ბაიერნის" პირველ გუნდში მეც ვთამაშობდი, მაგრამ მის დონეზე არ ვიყავი, იამალი უბრალოდ წარმოუდგენელია. ამ ასაკში ისეთ რაღაცებს აკეთებს, რაც ნორმალური არ არის. ეჭვგარეშეა, რომ უდიდესი ტალანტი აქვს, მაგრამ ყველაზე მეტად მე მისი თანმიმდევრულობითა და სტაბილურობით ვარ აღფრთოვანებული.

ის მოედანზე იმისთვის გადის, რომ ლიდერი იყოს. მას 2 დიდებული სეზონი ჰქონდა, ბოლო საერთოდ განსაკუთრებული იყო. მისნაირი ახალგაზრდა ფეხბურთელი არ მინახავს", - განაცხადა კროოსმა