5 აპრილს "ბარსელონას" კიდევ ერთი "ელ კლასიკო" ელოდება. ეს მატჩი კოპა დელ რეის 2022/2023 წლების სეზონის ფინალისტს გამოავლენს.

ჟურნალისტ ხავი მიგელის ინფორმაციით, ამ შეხვედრაში "ბლაუგრანას" 3 ფეხბურთელის მონაწილეობა გამორიცხულია. ეს ფეხბურთელები არიან: ანდრეას კრისტენსენი, პედრი გონსალესი და უსმან დემბელე.

მიუხედავად იმისა, რომ დემბელემ ბალახზე ვარჯიში განაახლა, მისი "რეალთან" დაბრუნება მაინც ძალიან ნაადრევი იქნებოდა.

კრისტენსენმა დანიის ნაკრებში ყოფნისას 3-4 კვირიანი დაიზიანება მიიღო.

რაც შეეხება რონალდ არაუხოსა და ფრენკი დე იონგს, რომლებსაც მცირე დისკომფორტი აღენიშნებოდათ, ისინი "კლასიკოსთვის" მწყობრში ჩადგომას მოასწრებენ.

შეგახსენებთ, რომ "სანტიაგო ბერნაბეუზე" გამართული შეხვედრა კატალონიურმა გრანდმა ანგარიშით 1:0 მოიგო.