"ბარსელონას" სპორტული გუნდი მომდევნო სეზონს ლეო მესის დაბრუნების გათვალისწინებით გეგმავს, - იუწყება Mundo Deportivo.

კატალონიური გამოცემის ინფორმაციით, არგენტინელ მეგავარსკვლავს ჩავი ერნანდესი გამთამაშებლის პოზიციაზე გამოიყენებს.

"ლა პულგა" ადგილს ნახევარდაცვაში დაიკავებს.

ჩავიმ ისიც იცის, რომ ლეოს დაბრუნების შემთხვევაში, გასახდელის ოჯახური ატმოსფერო შენარჩუნებული უნდა იყოს.

საამისოდ, ოქროს ბურთის შვიდგზის მფლობელს ურთიერთობის დალაგება მოუწევს იმ ფეხბურთელებთან, რომლებსაც "ბარსაში" ყოფნის ბოლო წლებში ნაკლებად ეწყობოდა. ასეთთა შორის მოიაზრებს მარკ ანდრე ტერ შტეგენი.

გერმანელსა და არგენტინელს შორის არსებულ დაძაბულობაზე ესპანური პრესა ადრეც წერდა და როგორც ჩანს, ეს ცნობები სიმართლისგან შორს არ იყო.