"ბარსელონას" ვიცე-პრეზიდენტმა რაფა იუსტემ დაადასტურა, რომ კლუბსა და ლეო მესის შორის უკვე შედგა პირველი კონტაქტი არგენტინელის "კამპ ნოუზე" დაბრუნებასთან დაკავშირებით.

"მესისთან კონტაქტი გვაქვს.

ლეოს დაბრუნება ძალიან გამიხარდებოდა. მჯერა, რომ ლამაზი ისტორიები კარგად უნდა დასრულდეს.

მესის ვეკონტაქტებით და მან იცის, რამდენად გვინდა მისი დაბრუნება.

ბედისწერა გადაწყვეტს, ვიხილავთ თუ არა ლიონელს კვლავ "ბარსელონას" მაისურში," - თქვა იუსტემ.

ეს "ლურჯ-ბროწეულისფერთა" ოფიციალური პირებისგან პირველი სერიოზული განცხადებაა, რომელიც გვაძლევს იმის თქმის საშუალებას, რომ კატალონიური გრანდი 35 წლის არგენტინელის ტრანსფერზე მუშაობს.

ცნობისთვის, მესი ზაფხულში თავისუფალი აგენტი ხდება. მიმდინარე სეზონში ის "პსჟ-ს" 18 გოლითა და 17 საგოლე გადაცემით დაეხმარა.