TyC Sports-ის არგენტინელმა ჟურნალისტმა გასტონ ედულმა ლიონელ მესის მომავლის შესახებ საინტერესო ცნობა გაავრცელა.

"დეკემბერში მესიმ მითხრა: "დიახ, "პსჟ-ში" დარჩენა მინდა". მხარეები სიტყვიერად შეთანხმებულები იყვნენ, მაგრამ შემდეგ რაღაც შეიცვალა.

ახლა, თუ "ბარსელონასგან" წინადადება იარსებებს, ეჭვიც არ მეპარება, რომ მესი დაბრუნდება. მას "ბარსა" სურს," - თქვა ედულმა.

არგენტინული გამოცემის ჟურნალისტისგან მსგავსი ცნობები იმას ნიშნავს, რომ "ლა პულგა" "კამპ ნოუზე" დაბრუნების სურვილი მართლაც ამოძრავებს.

შეგახსენებთ, რომ სეზონის ბოლოს მესის "პარი სენ-ჟერმენთან" კონტრაქტის ვადა ეწურება.