როგორც მოგეხსენებათ, "ბარსელონას" დღეს ლა ლიგის 27-ე ტურის მატჩი ელოდება. კატალონიური გრანდი "ელჩეს" დაუპირისპირდება.
SPORT-ის ვერსიით, ჩავი ერნანდესი დღევანდელ შეხვედრაში მოედანზე ასეთ თერთმეტეულს გაიყვანს:
მეკარე: მარკ ანდრე ტერ შტეგენი
დაცვა: სერხი რობერტო, ჟიულ კუნდე, ერიკ გარსია, ჟორდი ალბა
ნახევარდაცვა: პაბლო გავი, სერხიო ბუსკეტსი, ფრანკ კესიე
თავდასხმა: ფერან ტორესი, რობერტ ლევანდოვსკი, ანსუ ფატი
ზუსტად მსგავს შემადგენლობას ელოდება Mundo Deportivo-ც.
შეგახსენებთ, რომ "ლურჯ-ბროწეულისფერთ" დღეს ვერ დაეხმარებიან პედრი გონსალესი, უსმან დემბელე და ანდრეას კრისტენსენი. დისკომფორტი აქვთ რონალდ არაუხოსა და ფრენკი დე იონგსაც, რომლებსაც ჩავი შუა კვირაში გასამართი "კლასიკოსთვის" დაასვენებს.
"ელჩესა" და "ბარსელონას" ჯახი თბილისის დროით 23:00 საათზე დაიწყება.
