ლიონელ მესის "ბარსელონაში" დაბრუნების ალბათობა უფრო და უფრო იზრდება. ამას ადასტურებს როგორც წამყვანი ჟურნალისტების მიერ მოწოდებული ცნობები, ასევე "ბლაუგრანას" ვიცე-პრეზიდენტის, რაფა იუსტეს დამაიმედებელი განცხადებაც.

შექმნილი მდგომარეობიდან გამომდინარე, Mundo Deportivo-მ გადაწყვიტა, ჩვენთვის შეეხსენებინა რამდენიმე რეკორდი, რომელთა დამხობაც "ლა პულგას" "ბარსაში" დაბრუნების შემთხვევაში შეეძლება.

ჩამონათვალი შემდეგნაირად გამოიყურება:

ყველაზე მეტი ტიტული ერთ კლუბში. ამჟამინდელი რეკორდსმენი - რაიან გიგზი

ყველაზე მეტი მატჩი ჩემპიონთა ლიგაზე "ბარსელონას" მაისურით. ამჟამინდელი რეკორდსმენი - ჩავი ერნანდესი (ჩავი - 151 მატჩი, მესი - 149 მატჩი)

ყველაზე მეტი გოლი კოპა დელ რეიზე "ბარსელონას" მაისურით. ამჟამინდელი რეკორდსმენი - ხოსეპ სამიტიერი (სამიტიერი - 64 გოლი, მესი - 56 გოლი)

ყველაზე ტიტულოვანი ფეხბურთელი მსოფლიო ფეხბურთის ისტორიაში. ამ რეკორდის დამყარება მესის სხვა კლუბშიც შეუძლია, თუმცა ამის "ბარსელონაში" გაკეთება გაცილებით უფრო სიმბოლური იქნება.

ჩემპიონთა ლიგის ყველაზე მეტი ტიტული "ბარსელონას" მაისურით. ამჟამინდელი რეკორდსმენი - ჩავი ერნანდესი, ლეო მესი, ანდრეს ინიესტა (სამივეს 4-4)

შეგახსენებთ, რომ 35 წლის არგენტინელს "პარი სენ-ჟერმენთან" კონტრაქტი სეზონის ბოლოს ეწურება.