"ბარსელონამ" "აინტრახტის" იაპონელი შემტევის, დაიჩი კამადასადმი ინტერესი გამოხატა, - იუწყება ჟურნალისტი ფლორიან პლეტენბერგი.

წყაროს თანახმად, დაიჩი იმყოფება მადრიდის "ატლეტიკოს" რადარზე. "როხიბლანკოს" ინტერესი უფრო სერიოზულად ფასდება, ვიდრე კატალონიური გრანდისა.

26 წლის გარემარბი სეზონის ბოლოს თავისუფალი აგენტი ხდება. 

კამადა თავის მომავალს მალე გადაწყვეტს, თუმცა წინასწარი მოლოდინის მიხედვით, იგი ფრანკფურტულ კლუბს დატოვებს.

მიმდინარე სეზონში იაპონელმა 36 მატჩში მიიღო მონაწილეობა, გაიტანა 13 გოლი და გააკეთა 5 საგოლე გადაცემა.