როგორც მოგეხსენებათ, "ბარსელონა" დღეს კოპა დელ რეის ნახევარფინალური ეტაპის საპასუხო მატჩს გამართავს და მადრიდის "რეალს" დაუპირისპირდება.

კატალონიური გრანდი აღნიშნულ შეხვედრას დიდი დანაკლისით ხვდება. "ბარსას" დღეს უსმან დემბელე, ფრენკი დე იონგი, ანდრეას კრისტენსენი და პედრი გონსალესი ვერ დაეხმარებიან.

ამ ყველაფრის გათვალისწინებით, SPORT მიიჩნევს, რომ ჩავი მოედანზე დღეს შემდეგ თერთმეტეულს გაიყვანს:

მეკარე: ტერ შტეგენი

დაცვა: არაუხო, კუნდე, ალონსო, ბალდე

ნახევარდაცვა: კესიე, ბუსკეტსი, რობერტო

თავდასხმა: რაფინია, ლევანდოვსკი, გავი

Mundo Deportivo-ც ასეთ შემადგენლობას ელოდება.

შეგახსენებთ, რომ ესპანეთის თასის ფინალის საგზურის მომტანი მატჩი დღეს, თბილისის დროით 23 საათზე დაიწყება.