ესპანურ პრესაში აქტიურად ვრცელდება ინფორმაცია "პსვ ეინდჰოვენის" ნიდერლანდელი ვარსკვლავისს, ხავი სიმონსის "ბარსელონაში" შესაძლო დაბრუნების შესახებ.

ახალგაზრდა შემტევის ტრანსფერს "ბლაუგრანას" მრჩეველი, ჟორდი კრუიფი ლობირებს. იოჰან კრუიფის ვაჟს მიაჩნია, რომ ხავი გუნდისთვის საჭირო დანამატი იქნება.

ჟურნალისტ ჟოან ფონტესის ინფორმაციით, სიმონსის დაბრუნების აუცილებლობაში დარწმუნებული არ არის "ლურჯ-ბროწეულისფერთა" მთავარი მწვრთნელი ჩავი ერნანდესი.

წყაროს თანახმად, არაა გამორიცხული, 19 წლის ნიდერლანდელის საკითხი ჩავი ერნანდესისა და ჟორდი კრუიფის ურთიერთობაში ბზარის გაჩენის საფუძცელიც გახდეს.

მიმდინარე სეზონში ჩატარებულ 40 მატჩში სიმონსმა თავი 17 გოლითა და 9 ასისტით გამოიჩინა.