როგორც მოგეხსენებათ, მარჯვენა მცველის დამატება ზაფხულის სატრანსფერო ფანჯარაზე "ბარსელონას" ხელმძღვანელობის ერთ-ერთი პრიორიტეტული ამოცანა იქნება.

Mundo Deportivo-ს ჟურნალისტმა გაბრიელ სანსმა გაგვაცნო ის 5 მარჯვენა მცველი, რომელსაც კატალონიური გრანდი საკუთარ სამიზნედ განიხილავს:

დიოგუ დალო (მანჩესტერ იუნაიტედი)

ტომას მუნიე (ბორუსია დორტმუნდი)

ხუან ფოიტი (ვილიარეალი)

ჯერემი ფრიმპონგი (ბაიერ ლევერკუზენი)

მალო გუსტო (ჩელსი)

"ბლაუგრანას" თავკაცის, ჩავი ერნანდესის რჩეული ხუან ფოიტია. SPORT-ის ცნობით, 43 წლის სპეციალისტმა კლუბის ხელმძღვანელობას არგენტინელი ფლანგელის შეძენა განსაკუთრებით სთხოვა, მაგრამ ფოიტის გამოსასყიდი თანხა 60 მილიონ ევროს შეადგენს, "ბარსას" კი ეს საქმეს გვარიანად ურთულებს.