"ბარსელონა" ლა ლიგას გეგმას წარუდგენს, - იუწყება Mundo Deportivo-ს ჟურნალისტი როხერ ტორელო.

წყაროს თანახმად, გეგმა სერხიო ბუსკეტსისა და ჟორდი ალბას მიერ ხელფასების შემცირებას და Barca Studio-ს 24%-იანი წილის 100 მილიონ ევროდ გაყიდვას გულისხმობს.

"ბლაუგრანაში" ვარაუდობენ, რომ ორგანიზაციისგან თანხმობას მიიღებენ. ამის შემდეგ კლუბს ახალი კონტრაქტების დარეგისტრირების უფლება მიეცემა.

ცნობისთვის, "ლურჯ-ბროწეულისფერთ" პაბლო გავისა და რონალდ არაუხოს ხელშეკრულებები აქვთ დასარეგისტრირებელი.

როგორც ხედავთ, ეკონომიკური ბერკეტების გააქტიურება კატალონიურ გრანდს 2023 წელსაც მოუწევს.