თუ "ბარსელონა" ლიონელ მესისა და ფრანკ კესიეს ტრანსფერებს დახურავს, კლუბი შეიძლება ფრანკ კესიემ დატოვოს, - იტყობინება ჟურნალისტი ხავი მიგელი.

Diario AS-ის რეპორტიორის თქმით, ამ ტრანსფერების განხორციელების შემთხვევაში, კოტ-დ'ივუარელ ნახევარცველს "ბლაუგრანას" რიგებში ადგილი აღარ დარჩება.

ფრანკის წასვლა დაეხმარება კლუბს ფინანსური ფეარ-პლეის კუთხითაც. 26 წლის შუახაზელი ჩავი ერნანდესის სრული ნდობით სარგებლობს, მაგრამ იგი შეიძლება ხსენებულ ტრანსფერებს მაინც შეეწიროს.

კატალონიურ გრანდში ვარაუდობენ, რომ კესიეს სანაცვლოდ 25-30 მილიონი ევროს მიღება შეუძლიათ.

სხვათა შორის, "ბარსელონასა" და "ინტერ მილანის" წარმომადგენელთა შეხვედრისას, რომელიც გუშინ შედგა, ფრანკის გვარი რამდენჯერმე გაჟღერდა.

მიმდინარე სეზონში კესიეს მონაგარი 3 გოლი და 3 ასისტია.