"ბარსელონას" 31 წლის უნივერსალ სერხი რობერტოსთვის, დიდი ალბათობით, 2022/2023 წლების სეზონი დასრულდა.

ესპანელმა ნახევარმცველმა, რომელიც დღეს დაცვის მარჯვენა ფლანგზე ასპარეზობდა, ტრავმა "ხეტაფეს" წინააღმდეგ გამართული მატჩის პირველ ტაიმში მიიღო.

Diario AS-ის ჟურნალისტ ხავი მიგელის ინფორმაციით, რობერტო 1 თვეზე მეტი ხნით იუქმებს.

თუ გავითვალისწინებთ, რომ ლა ლიგის უკანასკნელი ტური 4 ივნისს გაიმართება, ძნელი სავარაუდოა, სერხის დაბრუნება თუნდაც ბოლო შეხვედრებისთვის მოესწროს.

მიმდინარე სეზონში რობერტომ "ბლაუგრანას" მაისური 29 მატჩში მოირგო, გაიტანა 4 გოლი და გააკეთა 3 საგოლე გადაცემა.