The Times-ის ჟურნალისტ პოლ ჰირსტის ინფორმაციით, "ბარსელონამ" ილქაი გიუნდოგანს ოფიციალური წინადადება გაუგზავნა.

კატალონიელებმა "მანჩესტერ სიტის" ვარსკვლავს 2-წლიანი კონტრაქტი შესთავაზეს, რომელსაც 1 წლით გახანგრძლივების ოფცია ექნება. 

გიუნდოგანის გარემოცვასთან მოლაპარაკებები უახლოეს კვირებშია დაგეგმილი. "ბლაუგრანაში" თითქმის დარწმუნებულნი არიან, რომ გერმანელ ნახევარმცველთან შეთანხმებას მიაღწევენ.

ილქაის "ბარსასთვის" თანხმობა ჯერ კიდევ არ უთქვამს, რადგან ფინანსურ ფეარ-პლეისთან კლუბის პრობლემები მისთვისაც ცნობილია, თუმცა მოლოდინი იმისა, რომ მომდევნო სეზონში ის ლურჯ-ბროწეულისფერ მაისურს მოირგებს, საკმაოდ დიდია.

ცნობისთვის, "სიტისთან" კონტრაქტი გიუნდოგანს პირველ ივლისს ეწურება.

მიმდინარე სეზონში გერმანელის ანგარიშზე 5 გოლი და 5 ასისტია.