რობერტ ლევანდოვსკი ლიონელ მესის "ბარსელონაში" დაბრუნებას მოუთმენლად ელოდება, - იუწყება Mundo Deportivo-ს ჟურნალისტი ფერნანდო პოლო.

პოლონელს სჯერა, რომ "ლა პულგასთან" მომაკვდინებელ დუეტს ჩამოაყალიბებს. ლევანდოვსკის რწმენით, მესის საგოლე გადაცემები მას შედეგიანობის კიდევ უფრო გაზრდაში დაეხმარება.

რობერტმა უკანასკნელ ინტერვიუებში არაერთხელ დაადასტურა, რომ არგენტინელის "ბლაუგრანაში" გადაბარგება ძალიან სურს. როგორც ჩანს, ოქროს ბურთთან დაკავშირებული დაძაბულობა წარსულს ჩაბარდა.

"ბარსას" მაისურით ჩატარებულ ბოლო 8 მატჩში პოლონელმა სულ 2 გოლი შეაგდო. ფრენკი დე იონგისა და პედრის არყოფნის პირობებში, იგი კრეატიული თანაგუნდელების ნაკლებობას განიცდის.

რაც შეეხება მესის, "პარი სენ-ჟერმენთან" კონტრაქტი მას ივლისში ეწურება.