ცნობილმა ესპანელმა ჟურნალისტმა ჟერარ რომერომ ლიონელ მესის "ბარსელონაში" შესაძლო დაბრუნების შესახებ ახალი ცნობები გაავრცელა.

წყაროს თანახმად, "ბლაუგრანამ" ლა ლიგას უკვე წარუდგინა გეგმა, რომელიც არგენტინელი მეგავარსკვლავის ტრანსფერის განსახორციელებლად დაიწერა.

ლა ლიგას კლუბი ჰპირდება, რომ ზაფხულში ორ ძვირადღირებულ ფეხბურთელს გაყიდის, დანარჩენები კი ხელფასს შეიმცირებენ.

კატალონიური გრანდი მწვანე შუქის მიღებისკენ ნელ-ნელა მიიწევს.

ცნობილი ჟურნალისტი ოქროს ბურთის შვიდგზის მფლობელის "კამპ ნოუზე" გადაბარგების შანსს 80%-ით აფასებს.

რომერო ასევე წერს, რომ გარდა მესისა, "ბარსელონა" სამ სხვა ტრანსფერზეც მუშაობს.

როგორც ჩანს, "ლურჯ-ბროწეულისფერთ" წინ ძალიან ცხელი ზაფხული ელოდებათ.