როგორც მოგეხსენებათ, "ბარსელონას" ცენტრალურმა მცველმა ანდრეას კრისტენსენმა მარტის სანაკრებო მატჩებისას ტრავმა მიიღო და გუნდს იგი უკვე 1 თვეა, რაც ვერ ეხმარება.

27 წლის უკანახაზელის დაბრუნების შესახებ დღეს Diario AS-მა დაწერა.

ესპანური გამოცემის ინფორმაციით, ანდრეასი რეაბილიტაციის უკანასკნელ ფაზაში იმყოფება. უდიდესი ალბათობით, იგი შემდეგ კვირაში გუნდთან ერთად ვარჯიშს განაახლებს.

კრისტენსენის "ატლეტიკოსთან" მატჩში მონაწილეობა გამორიცხულია, მაგრამ არსებობს შანსი, იგი "რაიო ვალეკანოს" წინააღმდეგ ვიხილოთ მოედანზე.

შეგახსენებთ, რომ "რაიოს" კატალონიური გრანდი 26 აპრილს დაუპირისპირდება.